Чаллыда яшәүче татар милли хәрәкәт активисты Анурбәк Гобәйдуллин күптән түгел Татарстанның халык шагыйре Роберт Миңнуллинның Альберт Разинга багышлап язган "Удмурт яна..." шигырен акча түләп радиодан ишетергә теләсә дә, бу мөмкин булмый.
19 сентябрь көнне Анурбәк Гобәйдуллин оныгы Ләйсән ярдәме белән Чаллыдагы "Күңел" радиосына Роберт Миңнуллинның шигырен яңгыратуларын сорап мөрәҗәгать итә. Акчасын да җибәрәләр. Әмма "Күңел" радиосы хезмәткәрләре шигырне эфирга чыгарудан баш тарталар.
"Картлык көнемдә җырларга исем китми башлады. Күбесе тозсыз. Ә менә нигәдер чын шигырьләргә мөкиббән китә башладым. Авторлары күп. Менә соңгы вакытта Роберт Миңнуллинның Альберт Разин турындагы көн кадагына суккан "Удмурт яна..." шигырен укып тетрәндем. Күзләр начар күрә, шуңа көчкә укып чыктым. Мәгънәле шигырь, шушы фаҗига хакындагы шигырьне тагын бер тапкыр иркенләп радиодан тыңлыйм әле дип, оныгым Ләйсән белән СМС аша хат юлладык, акча күчердек. Шушы шигырьне башкалар да тыңлап гыйбрәт алсын, дигән уйлар да бар иде", ди Гобәйдуллин Азатлыкка.
Ләкин якынча иртәнге сигезләрдә яңгырарга тиешле шигырь эфирга чыкмый. Радио алып баручысы "сәгать уннардан соң тыңлагыз", дигән хәбәр сала.
"Инде сәгать уннан соң "Күңел" радиосы алып баручысы Алмаз:
"Абзый, шигырьне укый алмыйбыз, анда сәясәт бар", дип телефонга язып җибәрә. Алып баручыда цензура булганмы, кемнәрдер белән киңәшкәнме, әмма бу шигырьне чыгармадылар. Шундый заманнар килде, Татарстанда татар халкы дияргә ярамый башлады. Безне Татарстан халкына әйләндерделәр. Мин инде зиратка чиратка баскан кеше. Әмма шушындый күренешләргә, татарның упкынга баруына бөтен җаным, бөтен тәнем әрни, борчылам", ди Гобәйдуллин.
Анурбәк Гобәйдуллин бик начар күрә. Ул Роберт Миңнуллин шигырен өстән-өстән генә укып чыга алган. Шуңа ул радиоларда түләүле хезмәтләрдән файдаланып җырлар һәм шигырьләр тыңлый.
Ул шулай ук моннан берничә ел элек бертуган Нәфис һәм Рәфис Кашаповларның туган көннәрендә “Күңел” радиосыннан җыр тапшыру өчен акча түләгән һәм Габделфәт Сафин башкаруында җыр бирүне сораган.
Ул шулай ук моннан берничә ел элек бертуган Нәфис һәм Рәфис Кашаповларның туган көннәрендә “Күңел” радиосыннан җыр тапшыру өчен акча түләгән һәм Габделфәт Сафин башкаруында җыр бирүне сораган.
"Гариза һәм акча кабул итүче шушы сүзләрдән соң кемдер янына кереп чыкты да, абый, бу җырда мөстәкыйльлек турында да сүзләр бар икән, бирә алмыйбыз,” дип белдерде. Матбугаты куркак булган халыкта алгарышка бернинди дә өмет юк", ди Анурбәк Гобәйдуллин.
Этот комментарий был удален автором.
ОтветитьУдалить“Милләтебез горур–тиз бирешмәс!
УдалитьКөрәшергә аның бар хәле.
Бердәм булып сафка басыйк, халкым,
Хәтер барда татар бар әле”.
"Удмурт яна... Татарга да тия ялкыны" - Роберт Миңнуллин көн кадагына суккан шигырь язган Татарстанның халык шагыйре, публицист, дәүләт һәм җәмәгать эшлеклесе Роберт Миңнуллин Удмуртиядә булган тетәндергеч вакыйгага карата битараф кала алмаган. "Матбугат.ру"га билгеле булганча, әдип Туган теле хакына үзен-үзе яндырган удмурт галиме Альберт Разин рухына багышлап мондый юллар язган:
ОтветитьУдалитьУдмурт яна мәйдан уртасында,
Дөрләп яна туган тел диеп...
Кайсы халыкка да тел газиз шул,
Кайсы халыкка да тел – бөек!
Яна Удмут, яна ялкынланып,
Удмурт Телен ялкын ялмаган.
Туйган, димәк, Удмут ялганнардан,
Башка чара, димәк, калмаган...
Удмурт Теле хәзер – ялкын теле,
Удмурт Теле хәзер – ут теле,
Ялкынланса гына яна шул ут,
Ялкынланса гына ут – тере...
Янып бетсә, ялкынланып бетсә,
Көлгә калса әгәр, тел – үле...
Бер милләт тә үз теләге белән,
Юк, теләми теле үлүне...
Удмурт яна! Удмурт Теле яна!
Ничек аңларга бу Януны?
Удмуртның бу әллә үлемеме?
Әллә инде бу – уянумы?
Бу - Удмуртның чарасызлыгыдыр.
Бу – Удмутның соңгы таләбе!
Уятырмы мәрткә киткәннәрне
Удмуртның бу соңгы гамәле?
Газиз теле өчен, халкы өчен
Утта янган Удмурт хаклымы?
Ә хакимнәр безне яклыймы соң?
Ә хакимнәр безнең яклымы?
Ник үләргә тиеш безнең телләр?
Ник бетәргә тиеш әле без?
Яшәү белән үлем арасында
Безнең телләр, безнең хәлебез!
Удмурт яна! Удмурт Теле яна...
Татарга да тия ялкыны...
Бу ялкын бит Россиядәге Үлеп барган телләр салкыны... Тулырак: http://matbugat.ru/news/?id=26518
Айдар Халим ...
ОтветитьУдалитьБез илен-сөйгән илдәшләр,
Җегәрле сәләтлеләр,
Ватаннан ватансызлыкны
Куарга сәбәплеләр.
Кайтып туган нигезләргә,
Ил өчен көрәшегез!
Бер монда гөрләшегез
Татарлар, берләшегез!
Фәния Низамиева.
ОтветитьУдалить“Мин татар дип горур басып торам,
Татар каны ага безләрдә.
Күпне күргән халкым, каралмаган,
Иман нуры балкый йөзләрдә.
Иман нуры безнең телләрдә”
Айгөл Әхмәдуллина
ОтветитьУдалить“Нинди матур, аһәңле бит
И, минем татар телем!
Телем бетсә, үземнең дә,
Бетмәсме соң кадерем?
Бу хурлыкка түзмәс иде,
Җәлил, Фәнис, Туфаннар.
Алар кебек телне сөйгән,
Юкмы җиргә туганнар?