Татарстан мәктәпләре тагын сынау уза. Алар Рособрнадзор, прокуратура тикшерүләрен көтә. Район дәрәҗәсендә инде бу эшләр башкарылып килә. Әмма моның белән бетми, Мәскәүдән дә "кунак"лар көтелә, барысы да шуңа әзерләнә. Азатлык төрле район укытучылары, мөдирләре белән аралашты.
2017 елда прокуратура вәкилләре Владимир Путинның чыгышыннан соң эшне озакка сузмыйча, Татарстан мәктәпләрен тикшерергә килеп керде. Кыенсынмадылар. Кайбер мәктәп мөдирләрен, укытучыларны эштән җибәрмичә төнгә кадәр дә тоттылар. Татар теле һәм әдәбияты дәресләрен укыту Русия канунына сыямы дигәнне тикшерү җинаятьчеләрне тоту максатындагы махсус операция диярсең. Прокуратура кушканны эшләде, аннары бер елдан соң аларның эше канунилаштырылды. Татар теле дәресләре кыскартылды, бүген иң яхшы очракта балалар атнасына өч дәрес укый ала. Укытучылар сафлары да сирәгәйде, кемдер рөхсәт ителгән сәгатьләр дә җитә дип калды, кемдер башка фән, аларның күбесе күбрәк укытыла башлаган урыс телен укытуга күчте, өченчеләре, теләнеп йөрмим дип, мәктәп системын ташлап китәргә мәҗбүр булды. Әлегә Казанның "СОлНЦе" мәктәбе мөдире генә Павел Шмаков кына татар телен укытуны дәвам итү өчен мәхкәмә юлын таптый...
Комментарии
Отправить комментарий