"Татар теленә басым дәвам итәчәк, Татарстанның төбәкләргә йогынтысы кимиячәк"
Мәскәүдә урыс теле һәм Русия халыклары телләренә ярдәм итү шурасы төзелә. Аннан нәрсә көтәргә?
Русия президенты каршында урыс теле һәм Русия халыклары телләренә ярдәм итү шурасы төзелде. Узган атна ахырында Владимир Путин бу турыда фәрманга кул куйды. Путинның шул ук карары белән 2014 елда корылган Русия президенты каршындагы урыс теле шурасы бетерелде, ләкин асылда бу шул ук эшчәнлекне дәвам итү булып тора. Яңа шураның да төп максаты — дөньяда һәм Русиядә урыс телен яклау һәм аңа ярдәм итү.
Яңа шура белән Русия президенты киңәшчесе, Русия думасына Татарстаннан сайланган элекке депутат Елена Ямпольская җитәкчелек итә. Шурага Татарстаннан Казан федераль университетының Филология институты директоры Рәдиф Җамалетдинов, Башкортстаннан — урыс һәм башкорт телендә язучы Камил Җиһаншин кергән. Исемлектә барлыгы 49 вәкил бар. Аларның төп өлешен урыс телендә эшләүче билгеле затлар, дәүләт оешмалары җитәкчеләре алып тора. Алар арасында артистлар Сергей Безруков, Екатерина Гусева, Сергей Трофимов һәм башкалар бар. Шураның аерым президиумы да билгеләнгән, ләкин анда урыс булмаган милләт вәкилләре кермәгән.
Казанда урыс телен яклау чарасы, архив фотосы
https://www.azatliq.org/a/tatar-telena-basim-davam-itachak-tatarstanning-tobaklarga-yogintisi-kimiyachak/33092754.html
https://tatar-toz.blogspot.com/2024/08/blog-post_47.html
Комментарии
Отправить комментарий