Татарстан Республикасының Бәйсезлек көне белән котлыйбыз!
1990 елның 30 августы - республикада хәлиткеч вакыйга булган көн. Бу көнне Татарстанның суверенитет турында Декларациясе кабул ителә. ТАССР Советы Декларациясе Татарстанның дәүләт суверенлыгын һәм "республика халкының үзбилгеләнү, җир һәм табигый ресурсларга ия булу хокукын" игълан итте. Татарстан җөмhүриятенең бәйсезлеге турындагы декларация халык таләбенә нигезләнеп, русия декларациясенә каршы килмәсә дә, русия хакимияте җитәкчеләре Татарстан Бәйсезлек көнен танырга теләмәде. Үз вәкаләтләре чикләрендә Татарстан Республикасы халыкара һәм тышкы икътисадый элемтәләрдә мөстәкыйль катнаша ала. Соңыннан, декларация 1992 елның 21 мартында референдум белән исбатланды.
Мәскәү хакимияте үз кулында җинәятчел үзәкләштерү чорын, явыз рәсәй империясенең таркалу юнәлешен туктата алмаячак.
Бүгенге Татарстан Республикасында татарларның кимсетелгән хәле һәм Мәскәү тарафыннан барлык татарстанлыларга гаделсез мөгамәлә итү безнең дәүләтчелекне торгызу өчен көчле этәргеч булып тора ала.
Без Татарстан Республикасының Бәйсезлек көнен һәрчак искә алачакбыз. Киләчәктә Татарстан җөмhүрияте бәйсез, демократик дәүләт һәм халыкара хокукларының тулы субъекты булачагына ышанып калабыз!
Хөрмәт белән,
Рәфис Кашапов - Сөргендәге Бәйсез Татарстан Хөкүмәтенең премьер-министры;
Аида Абдрахманова - Сөргендәге Бәйсез Татарстан Хөкүмәтенең милли һәм дини сораулар буенча премьер-министр урынбасары; Империягә каршы Халыклар Блогының вице-президенты;
Нәфис Кашапов - Сөргендәге Бәйсез Татарстан Хөкүмәтенең спорт буенча премьер-министр урынбасары;
Рәис Мөхетдин - Төркия Республикасында Сөргендәге Бәйсез Татарстан Хөкүмәтенең Илчесе;
Зөфәр Зәйнүллин - Латвия Республикасында Сөргендәге Бәйсез Татарстан Хөкүмәтенең Илчесе.
https://tatar-toz.blogspot.com/2024/08/blog-post_89.html
Комментарии
Отправить комментарий