Варшауда Нәфис Кашапов чыгыш та ясап, татарлар украиннар белән бергә диде.
Татар милли хәрәкәте активисты, "Азат Идел Урал" хәрәкәтенең Польшадагы вәкиле бу ялларда Польшада Украинага теләктәшлек белдереп митингка чыкты. Кулына ул Татарстан байрагы тоткан иде.
Варшауда Нәфис Кашапов чыгыш та ясады. "Путин бандитлары - ФСБ, ГРУ - халыкара трибуналга эләгәчәк. Бу фашист режимы үзләренекен дә үтерә, украиннарны үтерә. Алар тыныч халыкны үтерә. Без, татарлар, сезнең белән. Укрианнар бүген Русия өчен дә, Русия азатлыгы өчен дә зыян күрә. Украина җиңүеннән соң Русия ирекле булачак", дигән ул. Аның сүзләрен Idel.Реалии китерә.
Соңрак журналист соравына җавап биреп, Кашапов Украина җиңгәннән соң Путин режимы җимереләчәк дигән. "Ул җимерелгәч, татарлар, Идел буе, Себер, Кавказ халкы, бөтен фин-угыр халкы азатлык алачак. Диктатура, фашизм булмаячак, чөнки диктатор урынына диктатор килми. Путин режимы җимерелгәч, тел, гореф-гадәтләр, мәдәният кайтачак. Дин, ислам өчен утыртмаячаклар. Сәяси карашлар өчен дә утыртулар булмаячак", дип белдергән ул.
Бу очракта үзенең дә Русия кайту теләге барлыгын әйткән.
9 апрельдә Варшауда "Za wolną Rosję" "Азат Русия өчен" берлеге Украинада сугыш корбаннары истәлегенә "Бетсен сугыш" дип аталган митинг узды.
Митинг ахырында кешеләр сиреналар тавыш астында җиргә ятып, "канга" буялган ак җәймәләр ябынды.
"Азат Идел-Урал" хәрәкәте
"Азат Идел-Урал" хәрәкәте оешу турында 2018 елның мартында игълан ителде. Аңа татар милли хәрәкәте активисты, интернетта Путин сәясәтен тәнкыйтьләгән язмалары өчен өч ел төрмәдә утырып чыккан, 2018 ел ахырында Британиядә сыену алган Рәфис Кашапов, эрзя милли хәрәкәте активистлары Сыресь Боляень һәм Ростислав Мартынюк нигез салды. Әлеге хәрәкәт Идел буе республикаларындагы халыкларның милли хокукларын, телләрен яклап төрле чаралар уздыра.
🛑 Азатлык сайтын томаласалар, нишләргә? Бу хакта безнең кулланма.
🌐 Безнең Telegram каналына да кушылырга онытмагыз!
Комментарии
Отправить комментарий