Татарстан Язучылар берлеге рәисе итеп янә Ркаил Зәйдулла сайланды
Ркаил Зәйдулла рәис булып икенче мөддәттә эшләячәк. Шулай ук Язучылар берлегенең низамнәмәсенә үзгәрешләр дә кертелде.
27 мартта Казанда Татарстан Язучылар берлегенең чираттагы корылтае узды. Язучы Ркаил Зәйдулла икенче мөддәткә берлек рәисе итеп сайланды. Шулай ук җыенда берлек низамнәмәсенә үзгәрешләр дә кертелде.
Язучылар берлеге рәислегенә өч намзәт тәкъдим ителде: Ркаил Зәйдулла, Хәбир Ибраһим һәм Рәмис Аймәт.
Ркаил Зәйдулла янә рәис булып сайланган очракта эшләгән эшләремне дәвам итәм диде. "Яшь иҗатчыларны берлеккә җәлеп итү, татар әдәбиятын төрки илләрдә таратырга һәм, заманалар тынычлангач, бәлки Европа мәйданынан да чыгарга. Даими рәвештә, атналык програм төзеп, мәктәпләрдә авылларда, шәһәрләрдә язучылар белән очрашулар уздырырга. Бигрәк тә шәһәрләрдә татар дөньясын оештырырга кирәк", дип вәгъдә бирле ул.
Ркаил Зәйдулла — шагыйрь, язучы, драматург, публицист, Муса Җәлил исемендәге республика премиясе лауреаты, Габдулла Тукай премиясе лауреаты, Татарстанның халык язучысы, Татарстан Дәүләт Шурасы депутаты, 63 яшь.
https://www.azatliq.org/a/33361782.html
https://tatar-toz.blogspot.com/2025/03/blog-post_66.html
Комментарии
Отправить комментарий